Ilang kilometro lang mula sa frontline, sa isang teritoryong muling nakuha ng mga puwersang Ukrainian nitong nakaraang taon, ang ospital ay dalawang beses nang binomba sa loob lamang ng 72 oras. Mula noong Pebrero 24, 2022, paulit-ulit nang nanawagan ang Doctors Without Borders para sa proteksyon ng mga pasilidad medikal matapos masaksihan ang pagkasira ng mga ganitong lugar sa mga oblast ng Kherson, Donetsk, Dnipropetrovsk, Kharkiv at Mikolaiv.
Ang pinakahuling pagsalakay sa ospital na ito ay naaayon sa mga napansin ng Doctors Without Borders tungkol sa digmaang ito – partikular na sa patuloy na pagbobomba ng mga puwersang Ruso sa mga imprastrukturang sibilyan, mga lugar kung saan maraming naninirahan, at mga istrukturang medikal.
Ilang beses ba naming masasaksihan ang ganito? Ano ba ang kahulugan ng pagiging tagapangalaga o pasyente sa digmaang ito? Ano ang kailangan upang ang mga may hawak ng sandata ay magpakita ng paggalang para sa buhay ng isang tao? Anuman ang kanilang layunin, paulit-ulit naming nasasaksihan kung paanong nagdurusa ang mga medical staff at mga sibilyan sa gitna ng digmaang ito. Simple lang ang aming mensahe: tigilan na ang pagbomba sa mga ospital.Cyril Cappai, Head of Mission
