Pagtugon sa Emergency sa Ukraine

Ang medical evacuation train: Nagpapatakbo ang Doctors Without Borders ng medical evacuation train na ginagamit sa paglipat ng mga pasyente mula sa mga siksikang ospital malapit sa mga frontline ng Ukraine tungo sa mga mas ligtas na ospital na may mas malaking kapasidad. Unang ginamit ang tren noong 28 Marso 2022. Noong 2022, bumiyahe ang tren na ito nang 79 na beses. 2,558 ang mga isinangguning pasyente; 700 sa kanila ay mga kaso ng trauma, at 136 naman ang tinanggap sa karwahe ng ICU. Ngayong 2023, nakapagdala na ang tren ng 216 na pasyente sa 11 na biyahe. Sa lahat ng mga biyaheng ito, may mga kasama ring mga  kamag-anak at caretaker ng ilang mga pasyente.

DONETSK OBLAST

Suporta sa mga ospital: Nagpapadala kami ng mga donasyon sa mga primary, secondary at tertiary health care services at nagbibigay kami ng mga pagsasanay ukol sa specialized emergency response (MCP training, MH Gap, Peritonial Dialysis). Pagkatapos ng ilang buwang pagkaantala ng mga aktibidad, ang health care delivery system ay unti-unting nagsusumikap makabangon habang dumarami naman ang mga pangangailangan dahil sa pagbalik ng isang bahagi ng populasyon na walang kakayahang manatiling internally displaced. Kaya naman nagsimula na kaming magbigay ng agile emergency response gamit ang isang ambulansya para sa Sloviansk at Pokrovsk.

Ambulance referrals: Ang mga ambulansya ng Doctors Without Borders ay nagdadala ng mga pasyente sa mga pasilidad para sa pangangalagang pangkalusugan. Ginagamit ang mga ito sa 16 na pasilidad sa rehiyon ng Donetsk, kadalasan upang ilipat ang mga pasyente mula sa mga pasilidad na malapit sa frontline tungo sa mga ospital na malayo sa mga pinangyarihan ng mga labanan, at kung saan maaaring magpatuloy ang pangangalaga sa kanila. Karamihan sa mga pasyenteng ito ay nakaranas ng matinding trauma; 1,180 na pasyente na ang nailipat gamit ang serbisyong ito. Bukod sa mga ambulansya, mayroon ding lang sasakyang may kagamitan para sa ICU support. Noong 2022, 41 na pasyenteng isinakay sa mga ito ay naka-intubate o di kaya’y nangangailangan ng medical monitoring.

Emergency Department sa Kostiantynivka: Sinusuportahan ng Doctors Without Borders ang emergency department at mga surgical at intensive care unit ng Kostiantynivka Hospital sa pamamagitan ng pagbibigay ng pangangalagang medikal mula pa noong huling bahagi ng Hulyo. Noong 2022, ginamot ng Doctors Without Borders ang 752 na pasyente sa ER nito, at 168 na surgical interventions ang isinagawa sa kanilang operating theatre. Nakipagtulungan ang mga Doctors Without Borders team sa Ukrainian Ministry of Health staff. Karamihan sa mga kasong hinawakan nila ay kaugnay ng trauma.

Donasyon at Mobile Clinic sa Lyman: Ang Lyman ay nasa isang lugar na nabawi ng mga puwersang Ukrainian noong katapusan ng taong 2022. Sa huling sangkapat ng 2022, nagsagawa ang mga Doctors Without Borders team ng 3,152 primary health care consultations sa Lyman at sa mga lugar sa paligid nito. Nagbigay din sila ng mga donasyong medical supplies. Patuloy silang makikisangkot sa lugar na ito at patuloy din nilang pag-aaralan kung paano makatutugon nang mabuti ang Doctors Without Borders sa kanilang mga pangangailangan.

DNIPRO & ZAPORIZHZHIA OBLASTS

Suporta para sa mga taong nawalan ng tirahan: Sa loob at sa paligid ng Dnipro, sinusuportahan namin ang mga mahihinang taong tumakas mula sa ilang bahagi ng Donetsk at Luhansk oblasts kung saan matindi ang alitan sa mahigit 40 na shelter. Sa Zaporizhzhia, nagbibigay kami ng suporta sa libo-libong taong nawalan ng tirahan sa Mariupol.

Mga Mobile Clinic: Nagpapatakbo ang aming mga team ng mga mobile clinic na nagbibigay ng mga konsultasyon at mga gamot para sa mga taong may talamak na sakit gaya ng altapresyon, hika, diabetes, sakit sa puso, at epilepsy. Nagsasangguni rin kami sa mga ospital ng mga pasyenteng malala ang kondisyon, nagbibigay ng psychological first aid at mga mental health consultation, at namahagi ng mga pangunahing relief item. Binabawasan na namin ang kapasidad ng mga mobile clinic dahil ang mga serbisyong makukuha rito ay makukuha na rin naman ng mga tao sa pamamagitan ng national health system.

Suporta para sa mga dormitoryo: Nagsimula na rin ang aming mga team na makipagtulungan sa mga dormitoryo na nagbibigay ng pangangalaga para sa pinakamahihinang tao (mga matatanda, mga taong may kapansanan, mga batang inabandona). Nagbibigay din kami ng mga pagsasanay ukol sa nursing care para sa staff na nag-aalaga sa mga pasyenteng nasa mga dormitoryong ito. Sinusuportahan din namin ang mga gawaing nakatuon sa infection prevention and control, logistics at regular patient care.

Emergency mobile medical team: Sa pakikipagtulungan sa mga awtoridad, bumuo kami ng agile emergency response capacity na naglalayong mabigyang- daan ang mga sibilyan na magkaroon ng komprehensibong pangangalagang pangkalusugan kapag aktibo ang frontline. Kasama rito ang isang medical mobile team na bibisita sa mga lugar na malapit sa frontline at magbibigay ng kinakailangang serbisyong medikal batay sa mga pangangailangan, tulad ng paglipat ng mga pasyente at  mga pangunahing pangangalagang pangkalusugan sa Dnipro at sa Zaporizhzhia.

Suporta sa mga ospital: Sa Zaporizhzhia, patuloy ang pagsuporta sa mga ospital na malapit sa front line sa pamamagitan ng pagbibigay ng mga donasyon. Dinadagdagan rin ang mga aktibidad na may kaugnayan sa kalusugang pangkaisipan, at  isinasama rito ang mga nagtatrabaho malapit sa frontline dahil ang mental health trauma ay mas malala para sa mga taong malapit sa nangyayaring alitan.

Sexual and reproductive health clinic: Nagpapatakbo rin ang Doctors Without Borders ng klinikang nagbibigay ng sexual and reproductive health services. Kasama rito ang pamamahagi ng mga contraceptive, pangangalaga sa mga taong nakaranas ng karahasang sekswal, at gayon din ang health promotion, information, at linking to services sa pamamagitan ng social media. Noong 2022, ang mga Doctors Without Borders team ay nagbigay ng 372 na konsultasyon para sa sexual at reproductive health sa Dnipro.

Emergency room at surgical support sa Apostolove: Sa Apostolove Hospital, ang Doctors Without Borders ay nagbibigay ng emergency room at direktang hands-on surgical support. Kasama rito ang pagtulong at pagtrabaho sa triage at surgical interventions. Sa ospital na ito’y nakapagbigay ang aming mga team ng 972 na konsultasyon noong 2022 at tumanggap ng 403 na pasyente para sa violent trauma injuries.

KHERSON & MYKOLAIV OBLASTS

Mga Mobile Clinic: Sa Mykolaiv oblast at sa mga ilang lugar sa Kherson oblast na kamakailan lamang ay muling napasakamay ng mga puwersang Ukrainian, ang mga MSF mobile clinic ay nagbibigay ng pangunahing serbisyo para sa pangalagang pangkalusugan, psychological counselling at social services, at tumutulong din sa rehabilitasyon ng mga pasilidad para sa pangangalagang pangkalusugan na napinsala sa gitna ng labanan. Ang mga pangunahing isyung pangkalusugan na nakikita namin, pagkatapos ng ilang buwan ng sobrang limitadong access sa pangangalagang pangkalusugan noong ang lugar na ito’y kontrolado pa  ng mga puwersang Ruso, ay ang mga talamak na sakit tulad ng altapresyon at diabetes. May mga lumalabas din na mahahalagang pangangailangan kaugnay ng kalusugang pangkaisipan; isang epekto ng digmaan ang paglampas ng mga tao sa stigma na kadalasang nakakabit sa pangangalaga ng kalusugang pangkaisipan, kung kaya’t naitutulak ang mga taong sumulong at humingi ng tulong sa mga Doctors Without Borders counsellor sa mga barangay na aming binisita.

Mula sa isang himpilan sa Kryvyi Rih, nagpapatakbo ang mga team ng mga mobile clinic sa Kherson at Mykolaiv oblasts (sa mga lugar na lubhang apektado ng mga labanan). Noong 2022, ang mga mobile clinic na ito ay bumisita sa 144 na bayan at barangay sa paligid, kung saan nagbigay sila ng 8,307 na medical consultations. Kasama sa mga serbisyong ito ang mga konsultasyon para sa pangunahing pangangalagang pangkalusugan, sexual at reproductive health services, at pangangalaga para sa kalusugang pangkaisipan, gayun din ang health promotion. Ang mga medical team sa mga lugar na ito ay nakapagbigay na ng 1,848 na konsultasyon para sa pangunahing pangangalagang pangkalusugan.
 

KHARKIV OBLAST, NORTHEAST

Mobile Clinic at Kalusugang Pangkaisipan: Nagpapatakbo kami ng mga mobile clinic sa mga barangay at bayan sa rehiyon ng Kharkiv, kung saan nagbibigay kami ng pangunahing pangangalagang pangkalusugan, kasama na ang sexual and reproductive health, at suporta para sa kalusugang pangkaisipan. Karamihan sa mga pasyente ng Doctors Without Borders ay mga babaeng edad 61 pataas. Ang kanilang mga pangunahing pangangailangang medikal ay para sa mga sakit na talamak, tulad ng altapresyon at diabetes. Binibigyan namin ang mga pasilidad pangkalusugan ng mga  gamit tulad ng mga hygiene kit at mga donasyong medikal. Marami sa mga pasilidad sa mga komunidad ng rehiyon ang nagtamo ng pinsala at ilang buwan nang walang kuryente at init. Dahil sa masamang panahon at kakulangan ng sasakyang pampubliko, mas hirap ang mga pasyenteng maglakbay tungo sa mga lugar na may pangangalagang pangkalusugan. Nasasaksihan namin ngayon ang pagdami ng mga acute diseases gaya ng mga upper respiratory tract infection at hika.

Suporta para sa mga psychiatric patient: Ang aming mga team ay nagbibigay din ng pangangalagang medikal at psychiatric care sa dalawang pasilidad na nagsisilbi sa mga pasyenteng may malalang psychiatric at neuropsychologic na kondisyon. Karamihan sa mga pasyente ay hindi nakatanggap ng kahit anong pangangalaga o ng angkop na  psychiatric o medical care sa loob ng halos pitong buwan mula noong Pebrero 2022. Nagbigay kami ng group at individual psychological support para sa mga staff sa mga pasilidad na ito noong Enero 2023, at nagbigay din kami ng panandaliang suporta sa tatlo pang pasilidad sa rehiyon.

Care for Carers: Patuloy na nagbibigay ang mga team ng Care for Carers para sa mga lokal na health care professionals na nakararanas ng burn out at stress. Kabilang sa aming mga ginagawa ang psychological group support at stress management training na nakatuon sa pagbibigay ng mga paraan upang makayanan nila ang mga hamong hinaharap. 

ZHYTOMYR OBLAST, NORTHWEST

Proyekto para sa TB: Ang mga team ng Doctors Without Borders ay patuloy na nagbibigay ng social support (mga pakete ng pagkain at hygiene kits) at psychological support sa lahat ng mga pasyenteng may TB upang matulungan silang palaging uminom ng tamang medisina at makumpleto ang kanilang paggamot. Sa pakikipagtulungan sa mag awtoridad pangkalusugan, sinimulan na rin ng Doctors Without Borders ang contact-tracing para sa mga batang nakahalubilo ng mga pasyenteng may TB. Dinadala rin ng Doctors Without Borders ang mga sample sa ospital para sa TB upang masubaybayan ang pag-unlad ng kondisyon ng mga pasyente. Kasabay nito, patuloy naming sinuportahan ang ospital para sa TB sa pamamagitan ng pagbibigay ng mga gamot, laboratory consumables at pagkain para sa mga pasyente.

KYIV OBLAST

Suporta para sa mga survivor ng labis na pagpapahirap at physiotherapy: Sa Hostomel, sa may labas ng Kyiv, nagpapatakbo ang Doctors Without Borders ng isang proyekto para sa mga survivor ng labis na pagpapahirap. Ang proyektong ito ay may mga elementong para sa kalusugang pangkaisipan at physiotherapy rehabilitation, at pinangangasiwaan ng isang general medical practitioner. Ang aming mga team ay nagbibigay rin ng pangangalaga para sa pangkalusugang pangkakaisipan sa sampung iba’t ibang lugar sa labas ng Kyiv. Noong 2022, ang aming mga mental health team ay nakapagsagawa ng halos 1,000 na mental health consultations, at nagdaos ng 184 na group therapy sessions.

Sa siyudad ng Kyiv, nagbibigay kami ng physiotherapy at mga serbisyong kaugnay ng psychological counselling services para sa mga nasaktan sa digmaan sa isang ospital na pinangangasiwaan ng Ministry of Interior. Ginagamot namin ang mga pasyente at binibigyan ng pagsasanay ang mga local health staff, upang sila’y makatugon sa malaking pangangailangan at mapunan ang puwang sa Ukrainian healthcare system. Bago ang digmaan, ang rehabilitasyon at serbisyong para sa kalusugang pangkaisipan ay hindi pa gaanong umuunlad sa sistema ng pangangalagang pangkalusugan, ngunit ngayon, napakaraming tao ang nagtamo ng malubhang pinsala at napakalaki ng pangangailangan para sa post-operative care; ang mga pasyenteng may trauma na nagpapatingin sa amin ay nanganganib na magkaroon ng pangmatagalang sakit kung hindi sila mabibigyan ng tamang lunas.

Nagbibigay rin kami ng pagsasanay tungkol sa self-care at psychological first aid para sa railway staff, na kadalasang nagsisilbing mga psychological first responder, dahil sila ang naninilbihan para sa mga taong inilikas mula sa mga lugar na lubhang naapektuhan ng digmaan.

KROPYVNYTSKYI OBLAST

Mga Donasyon at Pagsasanay: Nakapagbigay na ang Doctors Without Borders ng mga donasyong medikal sa 23 na pasilidad pangkalusugan sa Kirovohrad oblast, kung saan naroon ang Kropyvnytskyi, at ang hilagang bahagi ng kalapit nitong oblast na Mykolaiv. Sa pagitan ng Abril at Disyembre, nagsagawa kami ng 146 na training sessions para sa mga health professional, sikolohista at mga first responder ukol sa mga paksang tulad ng pagharap sa mataas na bilang ng mga sugatan sanhi ng digmaan, decontamination, trauma at kalusugang pangkaisipan. Sa kabuuan, 2,301 na tao ang sumali sa mga training session na ito. Mula noong Abril, 299 na pasyente na ang kumonsulta sa aming mental health team para sa individual sessions at 9,463 naman para sa mga group psychoeducation session. Ang Doctors Without Borders ay namamahagi rin ng mga relief item (bedding kits, hygiene kits, pagkain, panggatong, electrical materials) at nagsasagawa ng rehabilitasyon para sa mga displaced people shelter, partikular na para sa water and sanitation.

VINNYTSIA OBLAST

Proyekto para sa Rehabilitasyon: Patuloy ang aming proyekto para sa rehabilitasyon ng Ministry of Health Hospital sa Vinnytsia. Nagbibigay ang aming mga team ng physiotherapy at psychological counselling para sa mga nasugatan sa digmaan, kagaya ng aming ginagawa sa isang proyektong sinimulan namin sa Kyiv. Nakatuon kami sa pagbibigay ng hands-on treatment sa mga pasyente at sa capacity-building sa pamamagitan ng pagsasanay ng local staff.

Mga Mobile Clinic at Kalusugang Pangkaisipan: Sa Vinnytsia, nagpapatakbo kami ng mga mobile clinic sa mga hilagang bahagi ng oblast at sa mga lugar kung saan lumipat ang mga nawalan ng tirahan at kung saan hindi sila nakakuha ng pangunahing pangangalagang pangkalusugan. Mayroon din kaming mga mobile team na nakatuon sa kalusugang pangkaisipan /health promotion. Layunin naming maisaayos ang proyekto para sa kalusugang pangkaisipan sa pamamagitan ng pagtugon sa pangangailangan ng mga partikular na populasyon sa mga secondary health facility (para sa mga nasugatan sa digmaan, mga beterano, at mga nagdurusa dahil sa post-traumatic stress disorder/PTSD) pati na rin ang pagsasagawa ng mga mental health activity upang maging sentralisado at maging mas matatag ang istruktura nito kaysa kung susunod ito sa isang mobile model. Balak naming isaayos ang mga aktibidad sa mga nakatayong klinika, at sa mga mobile clinic sa loob ng oblast, at simulan ang paglalaan ng specialized mental health support para sa mga staff at mga pasyente ng mga secondary health institution at bumuo ng isang programa para sa PTSD/mga biktima ng digmaan na nakatuon sa mga partikular na populasyon.

UZHHOROD AT IVANO-FRANKIVSK

Suporta para sa outpatient department at sa mobile clinic: Sa Ivano-Frankivsk, sinusuportahan namin ang isang fixed outpatient department point at isang mobile clinic na nakatuon sa mga taong nawalan ng tirahan. Ito’y pinapatakbo ng mga doktor na nawalan din ng tirahan dahil sa digmaan. Mula noong nag-umpisa ang kolaborasyon hanggang noong Disyembre, 3,017 na ang kumonsulta sa amin para sa iba’t ibang sakit, tulad ng altapresyon, cardiovascular issues, chronic diabetes at mga upper respiratory tract infection. Sa mga displaced people public shelter ng Uzhhorod at ng iba pang mga lugar malapit dito, nagpapatakbo kami ng mga mobile clinic. Mula Hulyo hanggang Disyembre, nagsagawa ang Doctors Without Borders ng 3,925 na medical consultations sa pamamagitan ng pagbisita ng mga mobile clinic sa iba’t ibang lugar sa Zakarpattia Oblast, gaya ng Uzhhorod, Mukachevo at Perechyn. Ang mga pangunahing kondisyong medikal na aming nakita ay altapresyon, cardiovascular issues at mga respiratory infection. Sa Uzhhorod, sinusuportahan din namin ang isang fixed interfamily volunteer clinic, kung saan 663 na medical consultations ang isinagawa mula Nobyembre hanggang Disyembre.

Pagsasanay: Nagsagawa na kami ng mga pagsasanay tungkol sa decontamination, mass casualty, sexual and gender- based violence at kalusugang pangkaisipan sa tulong ng mga local health professional, sikolohista at mga first responder. Mula Marso hanggang Disyembre, nakapagbigay na kami ng 41 na training sessions na dinaluhan ng 764 na tao sa oblast ng Zakarpattia, kung saan naroon ang Uzhhorod, at 69 na sessions sa Ivano-Frankivsk oblast, na dinaluhan naman ng 1,146 na tao.

Mga Donasyon: Patuloy kaming regular na namamahagi ng mga medical supplies. Nakapagbigay na kami ng 84 na donasyon ng mga kit sa 20 na pasilidad sa dalawang oblast. Namahagi rin kami ng mga relief item (bedding kits, hygiene kits, pagkain) para sa mga taong nawalan ng tirahan, partikular na sa mga malalapit na rural area, at nagsasagawa rin kami ng rehabilitasyon sa mga displaced people shelter. Nitong mga nakaraang taon, ang aming mga mental health team sa dalawang lugar ay tumingin ng 797 na pasyente sa individual sessions at 4,593 na pasyente sa group psychoeducation sessions.
 

Noong 24 Enero 2023, nagtala ang UNHCR ng 19,673 na refugees mula sa Ukraine sa Belarus. Ayon sa pampublikong ulat ng Belarus State Border Guards, 5,655 na Ukrainians ang pumasok sa Belarus mula 1 Enero hanggang 3 Pebrero 2023.

Sa Belarus, patuloy ang Doctors Without Borders na tumutugon sa mga pangangailangang medikal ng mga tao na kasalukuyang hindi makaalis sa pagitan ng Belarus at sa mga bansa ng EU. Kahit na ang mga kondisyon ng taglamig sa Belarus ay nakapagpababa ng bilang ng mga tumatawid papuntang Europa, ang Doctors Without Borders team ay nagreresponde pa rin sa mga taong nakararanas ng frostbite, mga pinsala sa katawan (kasama na rin ang mga dulot ng karahasan), at mga talamak na sakit. Mula noong Nobyembre 2021, mahigit 1,200 na pasyente mula sa iba’t ibang bansa ang aming natulungan, ang ilan sa kanila ay galing sa Ukraine. Mula noong Disyembre 2022, wala pang naibibigay na direktang suporta ang Doctors Without Borders para sa mga pasyenteng taga-Ukraine. Ayon sa isang kautusang inilabas ng pamahalaan ng Ukraine noong Setyembre 2022, ang mga mamamayan ng Ukraine, maging ang mga stateless person mula sa Ukraine, ano pa man ang kanilang estado sa Belarus, ay may karapatang kumuha ng abot-kayang pangangalagang medikal katulad ng mga mamamayan ng Republic of Belarus.

Sa Belarus, patuloy ang pagsuporta ng Doctors Without Borders sa paghahatid ng person-centred care at paggamot ng mga taong may drug-resistant tuberculosis sa pamamagitan ng National Tuberculosis Programme, at pagbibigay ng pangangalaga at paggamot sa mga taong nasa kulungan na may TB, HIV, o Hep C.
 

Ayon sa UNHCR, mahigit sa 9.4 na milyong tao na ang tumawid mula Ukraine patungong Poland mula noong 24 Pebrero 2022. Mahigit 1.5 na milyong tao ang nagparehistro para sa pansamantalang proteksyon.

Aktibong sinusuportahan ng Doctors Without Borders ang Ministry of Health upang matiyak na makakakuha ang mga pasyente ng gamot para sa drug-resistant tuberculosis. Kabilang rito ang mga pasyenteng dating sinusuportahan ng Doctors Without Borders sa Ukraine.
 

Ayon sa UNHCR, pagdating ng 3 Oktubre 2022, mahigit 2,800,000 na tao na ang tumawid patungong Russia mula sa Ukraine.
Tatlumpung taon na ang Doctors Without Borders sa Russia. Sa kasalukuyan, ang mga team ng Doctors Without Borders sa Russia ay nakikipagtulungan sa mga awtoridad pangkalusugan sa mga rehiyon ng Arkhangelsk at Vladimir upang suportahan ang mga mahahalagang paggamot na makasasagip ng buhay ng mga pasyenteng may drug-resistant tuberculosis. Nitong mga nakaraang buwan, dinagdagan pa ng Doctors Without Borders ang pagtulong sa mga katuwang nitong organisasyon sa St.Petersburg at Moscow upang matiyak ang pagpapatuloy ng HIV treatment para sa mga taga-Ukraine at sa ibang nangangailangan. Umakyat ang bilang ng mga taga-Ukraine na may HIV at hepatitis C na nangangailangan ng karagdagang antiretroviral medicine.

Upang matugunan ang mga pangangailangan na naidudulot ng mga armadong labanan sa Ukraine, sinimulan ng Doctors Without Borders ang pagsuporta sa mga taong nawalan ng tirahan sa mga rehiyon ng Voronezh, Belgorod at Rostov-on-Don. Sa tulong ng mga regional non-governmental organisation, nag-organisa ang Doctors Without Borders ng isang team ng mga local social worker, mga doktor, mga sikolohista, at mga legal counsellor na nagsusumikap na matiyak na ang mga galing sa Ukraine, na karamiha’y mga bagong dating, ay makatatanggap ng lahat na kailangan nilang serbisyong medikal mula sa mga kuwalipikado at mga lisensyadong klinika, at magkaroon ng access sa mga social services ng estado. Kapag kinakailangan, kami na rin ang nagbabayad para sa mga kakulangan ng pangangalagang medikal, mga kinakailangang gamot at konsultasyong medikal.

Mula noong nasimula ang mga aktibidad, nakapagbigay ng suportang medikal ang Doctors Without Borders sa 4,800 na mga migrante. Kabilang dito ang halos 1,020 na mental health support sessions. Ang Doctors Without Borders ay regular na sumusuporta sa mga organisasyon sa mga rehiyon sa Voronezh, Belgorod at Rostov-on-Don sa pamamagitan ng pagbibigay ng kanilang mga kagyat na pangangailangan tulad ng pagkain, mga hygiene kit, at mga kagamitang pambahay. Ito’y nakatulong sa mahigit 20,925 na bagong dating na mga migrante.

Tulad ng aming ginagawa sa kahit anong bansa, ang aming pagtulong sa Russia ay nakatuon sa pagbibigay ng pangangalagang medikal sa abot ng aming makakaya, at nakabatay sa mga pangangailangang medikal lamang.