Gaza: Kinokondena ng Doctor Without Borders ang pagpapasabog sa shelter na naging sanhi ng pagkamatay ng limang taong gulang na anak na babae ng isang miyembro ng aming staff

09/01/2024

Palestine

Palestinian Territories, 9 Oktubre 2023. © MSF

Kahapon ng umaga, isang shell na hawig sa mga galing sa isang tangke ang lumusot sa dingding ng isang gusali kung saan mahigit isandaang Doctors Without Borders staff at ang kanilang mga pamilya ay pansamantalang namamalagi sa Khan Younis sa timog ng Gaza Strip. Malubha ang pinsalang tinamo ng limang taong gulang na batang babae at kinailangan siyang operahan sa Gaza European Hospital. Noong Enero 9, binawian na siya ng buhay. Tatlo pang tao ang nasaktan din nang bahagya dahil sa pagpapasabog.

Matinding galit at lungkot ang nararamdaman namin sa pagkamatay ng isa na namang miyembro ng pamilya ng aming Doctors Without Borders staff. Ang pagpupuntirya sa mga sibilyan ay di katanggap-tanggap, at nagpapakitang hindi ka ligtas saan man sa Gaza. Mabuti na lang pagtama nito, hindi sumabog ang shell, kung hindi’y mas marami pa sanang staff at kanilang mga pamilya ang malamang na napatay.

Thomas Lauvin, Project Coordinator

Bago ang insidente, ipinagbigay-alam ng Doctors Without Borders sa mga puwersang Israeli na ang shelter malapit sa Gaza European Hospital ay ginawang pansamantalang tirahan ng mga Doctors Without Borders staff at ng kanilang mga pamilya. Dagdag pa rito, wala namang inilabas na pag-uutos na lumikas bago ang pagpapasabog. Bagama’t hindi makumpirma ng Doctors Without Borders ang pinanggalingan ng shell, ang hitsura nito’y kapareho ng ginagamit ng mga tangke ng Israeli. Nakipag-ugnayan na ang Doctors Without Borders sa mga awtoridad ng Israeli upang makakuha ng paliwanag.

Simula noong nag-umpisa ang digmaan, apat sa mga staff ng Doctors Without Borders ang napatay bukod pa sa ilang mga miyembro ng kanilang mga pamilya.

Inuulit namin ang aming panawagan para sa agaran at mapapanatiling ceasefire sa Gaza. Ang walang habas na karahasan laban sa mga sibilyan ay dapat nang wakasan ngayon.

ANG AMING TUGON SA DIGMAAN SA PAGITAN NG ISRAEL AT GAZA

Susuportahan mo ba ang aming emergency response?

Tulungan kaming makapagbigay ng makasagip-buhay na pangangalagang medikal sa mga emergency sa pamamagitan ng pagbibigay ng donasyon ngayon.

Magbigay ng donasyon

Kailangang matapos na ang pakikidigma ng Israel sa Gaza at kinakailangan ding tigilan na ng mga kakampi nila ang pagsuporta rito

Jerusalem, Oktubre 2, 2024 – Halos isang taon nang walang humpay na pinapatay ng Israel ang mga nakatira sa Gaza Strip, ...

West Bank: Nanganganib ang access sa pangangalagang medikal habang tumitindi ang pagsalakay ng mga Israeli

Jerusalem – Ang mga malawakang paglusob ng mga puwersang Israeli sa West Bank sa Palestine at ang paulit-ulit na pagsalakay sa mga health ...

Gaza: Ang mga taong nawalan ng tirahan ay nahaharap sa isang sanitation crisis sa Khan Younis

Lubhang mahirap ang kondisyon ng pamumuhay ng mga taong lumikas sa Khan Younis sa Gaza Strip, kung saan wala silang mapagkukunan ng...

West Bank: Ang mga paghihigpit at karahasan ay humahadlang sa pagkamit ng mga Palestino sa Hebron ng pangangalagang medikal

Ang pagtanggap at pagbibigay ng pangangalagang pangkalusugan sa Hebron ay nagiging mapanghamon mula noong nagkaroon ng digmaan sa G...

Gaza Strip: Dapat protektahan ang Nasser Hospital habang nagpupunyagi ang mga natitirang pangunahing ospital na manatiling bukas sa gitna ng kaguluhan nitong Hulyo

Jerusalem – Sa Khan Younis, sa Southern Gaza, papalapit na ang mga labanan sa Nasser Hospital, kaya’t nalalagay sa panganib ang ospital at...

Gaza: Tila walang katapusan ang paulit-ulit na trauma na dulot ng pagkawala ng tirahan

Mula noong nag-umpisa ang kahila-hilakbot na digmaan s...

Kritikal na ang kakulangan ng mga medical supplies sa mga pasilidad pangkalusugan na sinusuportahan ng Doctors Without Borders sa Gaza

Ang mga team ng Doctors Without Borders / Médecins Sans Frontières (MSF) sa Gaza ay nahaharap sa k...

“Naglaho ang lahat, pati ang kinabukasan.”

Hindi makababangon mula sa psychological trauma ang mga taga-Gaza hangga’t walang nagaganap na ceasefire.