Palestinian Territories, Oktubre 2023. © MSF
Habang sinusulat ito, mahigit 200 na pasyente ang nasa Al Awda pa rin, ngunit di na sila nakatatanggap ng kanilang kinakailangang antas ng pangangalaga. Ang mga pasyenteng ito’y dapat mailipat sa iba pang tumatakbong ospital sa lalong madaling panahon. Iyon nga lang, sagad na ang kapasidad ng lahat ng ospital sa Gaza mula pa noong Oktubre dahil sa kasalukuyang kakulangan sa mga supply, bunga ng mga pagsalakay, at ng sobrang dami ng mga kaso o pasyente.
Ito’y isa na namang insidente na bumabagabag sa Doctors Without Borders staff nitong mga nakaraang araw. Ang aming mga kasamahan, na tumutulong sa daan-daang mga pasyente ay nahaharap sa sobramg hirap upang makapagbigay sila ng kahit konting pangangalagang medikal. Ang masaksihan ang pagkamatay ng mga doktor katabi ng mga kama sa ospital ay higit pa sa isang trahedya, at kailangan nang wakasan.
Inuulit namin ang aming panawagan para sa isang agarang ceasefire sa Gaza, para sa pagtatapos ng pagkubkob, at para sa proteksyon ng mga pasilidad medikal at ng medical staff.
Ang Doctors Without Borders ay nagtatrabaho sa Al Awda mula noong 2018. Nagsasagawa kami ng mga reconstructive surgery para sa mga nakatatanda at mga trauma surgery para sa mga bata. nagbibigay-pugay kami sa katapangan ng aming mga kasamahan, at hinding-hindi namin sila malilimutan
Susuportahan mo ba ang aming emergency response?
Tulungan kaming makapagbigay ng makasagip-buhay na pangangalagang medikal sa mga emergency sa pamamagitan ng pagbibigay ng donasyon ngayon.
