Gaza: Kinokondena ng Doctors Without Borders ang sinadyang pagsalakay sa isang convoy na naglilikas ng staff, kung saan isa ang namatay at isa ang nasaktan

19/11/2023

Palestine

Inilatag ang mga duguang damit at isang pahina ng takdang-aralin sa isang lugar kung saan ang isang airstrike ay iniulat na naging sanhi ng pagkamatay ng dalawang bata at dalawang nakatatanda at nagdulot ng matinding pinsala sa mga dalawang dosenang tao mula sa Jenin refugee camp. Palestine, 25 Oktubre 2023 © MSF/Faris Al-Jawad

Kaninang alas nuwebe ng umaga, isang Doctors Without Borders convoy na binubuo ng limang sasakyang malinaw na mga pag-aari ng Doctors Without Borders (may pangalan ang mga ito, pati sa mga bubong ng mga sasakyan) ang lumabas ng Doctors Without Borders compound (kung saan may guesthouse, opisina, at outpatient clinic malapit sa Al-Shifa Hospital). May 137 na taong bahagi ng convoy. Kabilang rito ang mga Palestinong staff members ng Doctors Without Borders at ang kanilang mga pamilya – 65 sa kanila ay mga bata –na lilikas sa mas ligtas na lugar sa timog ng Gaza. Mula noong Nobyembre 11 ay di na sila nakaalis mula roon dahil sa mga nagaganap na labanan, at paulit-ulit na silang pinapalikas ng Doctors Without Borders patungo sa kaligtasan.

Palestinian Territories, 23 December, 2020 © MSF/Katharina Lange

Noong Nobyembre 18, isang Doctors Without Borders convoy na binubuo ng limang sasakyang malinaw na mga pag-aari ng Doctors Without Borders (may pangalan ang mga ito, pati sa mga bubong ng mga sasakyan) ay sinalakay sa Al-Wehda street malapit sa bagtasan ng Said Al A’as Street, at malapit sa opisina ng Doctors Without Borders. Dalawa sa mga sasakyan ng Doctors Without Borders ay pinatamaan, kung kaya’t may namatay na kamag-anak ng isang miyembro ng Doctors Without Borders staff at may isa ring nasaktan.

Ang mga sasakyan ng Doctors Without Borders ay laging may malinaw na nakasulat na pangalan ng organisasyon, gaya ng makikita sa larawang ito na kinuha noong 2020. Palestinian Territories, 23 Disyembre 2020 © MSF/Katharina Lange

Ipinagbigay-alam na ng Doctors Without Borders ang pangayayaring ito sa dalawang partidong sangkot sa alitan. Dumaan ang convoy sa itinerary na ibinigay ng hukbong Israeli at nakarating sila sa Salah Al Deen Street, kung saan naroon din ang ibang mga sibilyang gustong makaalis sa lugar.

May 137 na taong bahagi ng convoy. Kabilang rito ang mga Palestinong staff members ng Doctors Without Borders at ang kanilang mga pamilya – 65 sa kanila ay mga bata –na lilikas sa mas ligtas na lugar sa timog ng Gaza. Mula noong Nobyembre 11 ay di na sila nakaalis mula roon dahil sa mga naganap na labanan, at paulit-ulit na silang pinapalikas ng Doctors Without Borders patungo sa kaligtasan.

Nakarating ang convoy sa huling checkpoint malapit sa Wadi Gaza na punong-puno ng mga tao dahil sa malawakang screening na ginagawa ng mga puwersang Israeli sa mga Palestino. Sa kabila ng impormasyong ibinahagi sa hukbong Israeli, ilang oras silang hindi pinayagang tumawid sa checkpoint. Nang makarinig sila ng mga putok ng baril, napilitan ang staff na bumalik sa Doctors Without Borders compound, na pitong kilometro ang layo mula sa checkpoint.

Noong sila’y pabalik na, mga 3:30 hanggang 4:00 ng hapon, sinalakay ang convoy sa Al-Wehda Street malapit sa bagtasan ng Said Al A’as Street, at malapit sa opisina ng Doctors Without Borders. Dalawa sa mga sasakyan ng Doctors Without Borders ay pinatamaan, kung kaya’t may namatay na kamag-anak ng isang miyembro ng Doctors Without Borders staff at may isa ring nasaktan.

Muling nananawagan ang Doctors Without Borders na payagang lumikas ang aming staff, pati na rin ang libo-libong pang ibang taong naipit sa gitna ng mga labanan at namumuhay sa gitna ng mga kahila-hilakbot na kondisyon sa hilagang Gaza.

Nananawagan kami para sa isang agarang ceasefire, na siyang tanging paraan upang maisagawa ang implementasyon ng mga corridor o daanan para sa ligtas na paglilikas ng mga sibilyan.

ANG AMING TUGON SA DIGMAAN SA PAGITAN NG ISRAEL AT GAZA

Kailangang matapos na ang pakikidigma ng Israel sa Gaza at kinakailangan ding tigilan na ng mga kakampi nila ang pagsuporta rito

Jerusalem, Oktubre 2, 2024 – Halos isang taon nang walang humpay na pinapatay ng Israel ang mga nakatira sa Gaza Strip, ...

West Bank: Nanganganib ang access sa pangangalagang medikal habang tumitindi ang pagsalakay ng mga Israeli

Jerusalem – Ang mga malawakang paglusob ng mga puwersang Israeli sa West Bank sa Palestine at ang paulit-ulit na pagsalakay sa mga health ...

Gaza: Ang mga taong nawalan ng tirahan ay nahaharap sa isang sanitation crisis sa Khan Younis

Lubhang mahirap ang kondisyon ng pamumuhay ng mga taong lumikas sa Khan Younis sa Gaza Strip, kung saan wala silang mapagkukunan ng...

West Bank: Ang mga paghihigpit at karahasan ay humahadlang sa pagkamit ng mga Palestino sa Hebron ng pangangalagang medikal

Ang pagtanggap at pagbibigay ng pangangalagang pangkalusugan sa Hebron ay nagiging mapanghamon mula noong nagkaroon ng digmaan sa G...

Gaza Strip: Dapat protektahan ang Nasser Hospital habang nagpupunyagi ang mga natitirang pangunahing ospital na manatiling bukas sa gitna ng kaguluhan nitong Hulyo

Jerusalem – Sa Khan Younis, sa Southern Gaza, papalapit na ang mga labanan sa Nasser Hospital, kaya’t nalalagay sa panganib ang ospital at...

Gaza: Tila walang katapusan ang paulit-ulit na trauma na dulot ng pagkawala ng tirahan

Mula noong nag-umpisa ang kahila-hilakbot na digmaan s...

Kritikal na ang kakulangan ng mga medical supplies sa mga pasilidad pangkalusugan na sinusuportahan ng Doctors Without Borders sa Gaza

Ang mga team ng Doctors Without Borders / Médecins Sans Frontières (MSF) sa Gaza ay nahaharap sa k...

“Naglaho ang lahat, pati ang kinabukasan.”

Hindi makababangon mula sa psychological trauma ang mga taga-Gaza hangga’t walang nagaganap na ceasefire.