Pinakahuling ulat
- Sunod-sunod na pagsalakay ang naganap sa Lebanon noong Setyembre 17, kung saan halos 2,800 na tao ang nasaktan, ayon sa Ministry of Public Health. Agad na nakipag-ugnayan ang Doctors Without Borders sa mga tagapangalaga ng kalusugan, tulad ng mga ospital, upang makapagbigay ng tulong.
- Noong Setyembre 23, naganap ang mga malawakang pagbobobomba ng mga Israeli sa ilang lugar sa Lebanon. Ayon sa Ministry of Health, 558 ang napatay at 1,835 ang nasaktan, habang libo-libo naman ang napilitang lisanin ang kanilang mga tahanan upang makahanap ng mas ligtas na lugar sa ibang bahagi ng bansa.
- Ayon sa disaster risk management unit ng Lebanon, mahigit 104,000 na tao ang nawalan ng tirahan dahil sa kasalukuyang paglala ng digmaan.
Ayon sa disaster risk management unit ng Lebanon, mahigit 104,000 na tao ang nawalan ng tirahan dahil sa kasalukuyang paglala ng digmaan. Marami ang nawalan ng tirahan at ng mga mahal sa buhay. Bukod sa suportang medikal, nangangailangan din ang mga tao ng mga kagamitang gaya ng mga kutson at mga hygiene item.
Lubhang ikinababahala ng Doctors Without Borders ang pagbobomba ng Israel sa Lebanon. Nananawagan kami para sa agarang pagtigil ng karahasan upang maiwasan ang karagdagang pagdurusa, mga pinsala, at pagkawala ng buhay.
Pinakahuling ulat
Paano tumutugon ang Doctors Without Borders?
Ang Doctors Without Borders ay nagbukas ng mga mobile clinic sa mga paaralan at sa iba pang mga lugar kung saan kasulukuyang namamalagi ang mga taong nawalan ng tirahan. Nagbibigay ang Doctors Without Borders ng mga konsultasyong medikal at mga gamot para sa mga malala at matagal nang mga kondisyon. Nakapagbigay na rin kami ng mga donasyon ng mga mahahalagang gamit gaya ng mga kutson, kumot, at mga hygiene kit.
- Mula Setyembre 23, ang mga mobile clinic ng Doctors Without Borders ay nagbibigay-serbisyo sa dalawang lugar sa Mount Lebanon kung saan namamalagi ang mga taong nawalan ng tirahan. Nagbibigay kami roon ng mga konsultasyon para sa kalusugan ng katawan at ng isipan.
- Nakapagbigay kami ng mga donasyon ng mga mahahalagang gamit gaya ng mga kutson, kumot, at mga hygiene kit sa mga nawalan ng tirahan na kasalukuyang nasa walong lugar sa Saida at sa Tripoli. Tinatasa namin ang mga pangangailangan upang madagdagan pa namin ang aming ibinibigay na suporta.
- Noong Setyembre 26, muli naming binuksan ang aming klinika sa Baalbek-Hermel upang makapagbigay ng mga lubhang kinakailangang gamot ng mga pasyenteng may talamak na kondisyon.Kasabay nito, ang aming mga mental health helpline ay nakatatanggap ng mahigit sa 60 na tawag kada araw mula sa mga taong nakararanas ng lumalaking pangangailangan para sa kalusugang pangkaisipan.
- Nagbigay kami ng 710 kilo ng medical supplies sa tatlong ospital sa South Lebanon at sa Beirut. Ito ay pandagdag sa sampung tonelada ng medical supplies na inilagay noon pa ng Doctors Without Borders sa mga ospital sa iba’t ibang bahagi ng bansa para sa mga emergency. Bahagi nito ay ginamit sa pagtugon sa pagdating ng mga sugatan sa Baalbek, Nabatieh, at sa iba pang mga bahagi ng Lebanon.
Bekaa Valley, Lebanon. Setyembre 25, 2024 © MSF
Bekaa Valley, Lebanon. Setyembre 25, 2024 © MSF
Susuportahan mo ba ang aming mga ginagawang pagtugon sa mga emergency?
Tulungan kaming makapagbigay ng makasagip-buhay na pangangalagang medikal tuwing may emergency sa pamamagitan ng pagbibigay ng donasyon ngayon.