Kami sa Doctors Without Borders ay nananawagan na sundin ang mga patakaran sa digmaan. Dapat magsumikap ang lahat ng sangkot sa giyera sa Ukraine na gawin ang lahat na pag-iingat upang maiwasan ang pananakit sa mga sibilyan at ituring ang mga sibilyan na sibilyan sa lahat ng pagkakataon at sa lahat ng lugar sa Ukraine.
Dapat tiyakin sa Mariupol at sa iba pang lugar sa Ukraine na apektado ng digmaan ang ligtas na pagpapadaan sa mga pumapayag at kayang tumakas kahit na mayroong mga pansamantalang humanitarian corridor o ceasefire. Para sa mga maiiwan, di maaaring mawalan sila ng status bilang mga sibilyan; kinakailangang gawin ng mga magkatunggali ang lahat ng kanilang makakaya upang maprotektahan ang mga sibilyan sa lahat ng pagkakataon at sa lahat ng lugar.
Sinusuportahan ng Doctors Without Borders ang kahit anong uri ng ceasefire initiative na nsagpapahintulot ng ligtas na pagdaan ng mga gustong tumakas at ng pagpasok ng mga gustong magbigay ng tulong-medikal at iba pang humanitarian assistance. Ang karapatan na maghanap ng kaligtasan at magkaroon ng access sa humanitarian aid ay dapat maging obligasyon at hindi pribilehiyo, saan man sa Ukraine.
