Nanindigan ang Doctors Without Borders na babawasan ang mga carbon emission upang maprotektahan ang kalusugan ng mga pinakamahina

29/03/2022

MSF has settled a solar panel system at the General Hospital of Kigulube in Sud Kivu to give autonomy to the health structure for the next 20 years.

Nagtayo ang Doctors Without Borders ng solar panel system sa General Hospital ng Kigulube sa Sud Kivu upang magkaroon ng kasarinlan ang istrukturang pangkalusugan para sa susunod na 20 taon. Democratic Republic of Congo, 2019. © Pablo Garrigos/MSF

Ang aming paninindigan

Bilang pagkilala sa aming kontribusyon sa pandaigdigang problema ng carbon emissions at ng pagkasira ng kapaligiran, naninindigan kami na pagdating ng 2030, mababawasan ang aming emissions nang hindi bababa sa 50% kung ikukumpara sa antas noong 2019. Sa pamamagitan nito, sisikapin naming makamit ang decarbonisation, alinsunod sa mga layunin ng Paris Agreement ukol sa klima na limitahan ang global warming sa mas mababa sa two degrees. Ang pandaigdigang Doctors Without Borders movement ay nakikiisa sa pag-abot ng tila ambisyosong target na ito, at kami’y mag-uulat ukol sa mga matagumpay na hakbang patungo rito.

“Tumitindi ang pinsala sa kalusugan ng mga tao dahil sa mga negatibong epekto ng emergency sa klima," pahayag ni Dr Christos Christou, Doctors Without Borders International President. “Hindi sapat na tumugon lamang sa mga problema sa kalusugan kapag ito’y nangyayari na. Kailangan nating pigilan ito bago pa man ito magsimula. Ang pagpapaliban ng pagkilos ay isang paglabag sa ating mga medikal at etikal na obligasyon sa mga pasyente at mga komunidad.”

Ang mga pagtatasa upang matukoy ang 2019 carbon footprint ng Doctors Without Borders ay kasalukuyan pang ginagawa, ngunit nakatitiyak kami na ang aming organisasyon ay patuloy na gagawa ng mga angkop na pagbabago at tutugon sa mga isyung may kaugnayan sa pagpapadala ng mga tao, supply, construction, energy at waste management.

Dinagat Islands after Typhoon Rai hit the area

Ang mga isla ng Dinagat pagkatapos ng pagragasa ng bagyong Rai (Odette) sa lugar na ito noong Disyembre 2021. Phillipines, 2021. © MSF/Chenery Lim

Ang krisis sa klima ay pinaka-iniinda ng mga taong nasa pinaka-nanganganib na sitwasyon

Sa maraming lugar kung saan nagtatrabaho ang Doctors Without Borders, ang ang aming mga medical humanitarian team ay tumutugon sa mga sitwasyon na kaugnay ng mga pagbabago sa kapaligiran. Kabilang rito ang umaakyat na bilang ng mga taong may nakahahawang sakit tulad ng malaria, dengue at cholera, bilang resulta ng pagbabago sa pag-ulan at temperatura. Dumarami rin ang mga kaso ng zoonotic diseases, o mga sakit na naipapasa ng mga hayop sa mga tao, dahil sa mga pinsala sa kapaligiran. Dumarami rin ang mga kakaibang pangyayari kaugnay ng panahon tulad ng cyclones, hurricanes, at tagtuyot na maaaring magdulot ng malnutrisyon. Sa maraming lugar na pinupuntahan namin, nakakakita kami ng mga taong maraming pangangailangang pangkalusugan dahil sa epidemya, food insecurity, at mga tunggalian at pagkawala ng tahanan, na lalo pang pinapalala ng climate emergency.

Families heading to dry land in Bentiu. 835,000 people have been directly affected by the flooding. South Sudan, 2021.

Ang mga pamilyang papunta sa lupain sa Bentiu. 835,000 na tao ang naapektuhan ng pagbaha. South Sudan, 2021. © Sean Sutton

Ang pangangailangan para sa agarang pagkilos

Batay sa Doctors Without Borders 2020 Environmental Pact, kinikilala namin ang pangangailangang gumawa ng mga tunay at kagyat na pagbabago upang mapigilan ang masamang epekto sa kalusugan ng pagbabago sa klima. Kaya naman kami’y naninindigan na malaki ang ibabawas namin sa aming emissions sa dekadang ito. Ito rin ang dahilan kaya kami napabilang sa 200 humanitarian organisations na pumirma sa Climate and Environment Charter for Humanitarian Organizations.

Bilang isang emergency medical organisation, ang prayoridad namin ay ang makapagbigay ng maagap na pagtulong sa mga taong nasa mga liblib na lugar, ngunit kailangan naming makahanap ng paraan na magawa ito nang hindi nakapipinsala sa kapaligiran. Sa Doctors Without Borders, sa humanitarian sector at sa buong lipunan, kailangan naming palitan ang paraan ng aming pagkilos. Hindi ito magiging madali, ngunit ito’y magiging higit na kinakailangan habang patuloy na nakalalala ng mga humanitarian emergency ang pagbabago sa klima.

Ang pag-decarbonise sa aming mga pamamaraan sa pagpapatupad at pagsuporta sa aming mga medical emergency project sa mahigit 70 bansa ay hindi madaling gawin. Ngunit kami ay determinadong umabot sa puntong iyon at naghahanap kami ng mga solusyon sa pamagitan ng pagtingin sa iba’t ibang anggulo ng sitwasyon. Kung gusto nating ang mga susunod na henerasyon ay hindi na magdusa at makaranas ng mga sakuna, kailangan tayong maging responsable. Ang krisis sa klima ay krisis sa kalusugan, at ang pagbawas ng emissions ay bahagi na ng aming makataong pagkilos.

Dr Christos Christou, Int'l President

Kailangang matapos na ang pakikidigma ng Israel sa Gaza at kinakailangan ding tigilan na ng mga kakampi nila ang pagsuporta rito

Jerusalem, Oktubre 2, 2024 – Halos isang taon nang walang humpay na pinapatay ng Israel ang mga nakatira sa Gaza Strip, ...

DRC: Naglabas ang Doctors Without Borders ng mga nakaaalarmang datos ukol sa mga natanggap nilang kaso ng karahasang sekswal

Noong 2023, ang mga team ng Doctors Without Borders sa Democratic Republic of Congo (DRC) ay tumulong sa paggamot ng 25,166 na mga biktima at survi...

Lebanon: "Nasa ligtas na lugar kami, sa ngayon."

Matapos ang matitinding airstrike nitong nakaraang linggo, ang mga team ng Doctors Without Borders / Médecins Sans Frontières (MSF) sa Lebanon ay w...

Sudan: Ulat ng Doctors Without Borders, Nagtatawag- Pansin sa Mataas na Bilang ng mga Namamatay na Nagdadalang-taong Kababaihan at mga Bata sa South Darfur

Sa ulat ng Doctors Without Borders na pinamagatang “Itinulak sa limot: ang kabayaran ng alitan...

Lebanon: Pagkatapos ng mga malawakang pagbobomba, dumarami ang mga pangangailangang humanitarian

Matapos ang malawakang pagbobomba ng mga Israeli sa ilang mga lugar sa Lebanon noong Lunes, Setyembre 23, unti-unti nang dinaragdagan ng Doctors Wi...

Sudan: Agarang tulong, kinakailangan para sa mga taong nagugutom dahil sa blockade sa kampo ng Zamzam

Dapat gawin ang lahat ng makakaya upang makapaghatid ng pagkain, mga gamot at mahahalagang supplies para sa mga komunidad na hinaharangan at nagugu...

Mga boses ng Rohingya: Isang nakakapanghinang paglalakbay mula Myanmar at Malaysia papuntang Canada

Sa loob ng maraming taon, ang mag-asawang sina Sandar Lynn Rashid at Mohd Ayas Hashim, na kabilang sa inuusig na grupong minorya ng mga Rohingya, a...

Pamumuhay sa Myanmar: "Ang araw kung kailan nawala sa amin ang lahat"

Mula noong inagaw ng militar ang kapangyarihang mamuno noong 2021, kinailangang harapin ng Myanmar ang walang ...