Sudan: Ang unang kampanya ng pagbabakuna laban sa tigdas sa El Geneina mula noong 2021

"Mahalaga sa mga bata ang mabakunahan upang maprotektahan sila mula sa sakit na ito. Hindi naman masakit ang iniksyon, e. Pagkatapos, puwede na akong umuwi, magdasal, at mag-aral. Ang tigdas ay maaaring makamatay, lalo na sa mga bata,” sabi ni Khalid, 14. Hinikayat ni Khalid ang kanyang pinsan na sumama sa kanya at sa kanyang mga kapatid sa isa sa mga lugar ng pagbabakuna. 

Mobilisasyon ng komunidad, nasa sentro ng kampanya 

Malaki ang naitulong ng mobilisasyon ng komunidad upang marami ang maabot ng kampanyang ito. Mahigit sa 1,400 na mga boluntaryo mula sa komunidad ang kumilos, sinanay, at itinalaga ng Doctors Without Borders sa iba’t ibang mga aktibidad kaugnay ng kampanya sa mahigit 200 na mga lugar ng pagbabakuna sa El Geneina. Ang mga mobile team at mga public address system na nakakabit sa mga sasakyan ay ginamit upang iangat ang kamalayan ukol sa mga iskedyul ng pagbabakuna, at upang hikayatin ang mga magulang na pabakunahan ang kanilang mga anak. 

"Ang paghahatid ng mahalagang kampanyang ito ay nangailangan ng suporta ng komunidad pati na rin ng makabuluhang suporta at koordinasyong lohistiko," sabi ni Abdalhalim Ishag, ang logistics base ng Doctors Without Borders sa El Geneina Teaching Hospital. "Upang makaabot sa mahigit 200 na mga lugar ng pagbabakuna sa El Geneina, kinailangan naming gamitin ang aming mga mapagkukunang-yaman para sa mga liblib at mahirap mapuntahang lugar." 

"'Nakakakaba, pero hindi naman masakit (ang maturukan). Hindi pa ako nakakakita ng mayroong tigdas, pero alam kong hindi ka maaaring maglaro kapag may sakit ka. Mapoprotektahan ako at ang aking pamilya ng pagpapabakuna,” sabi ni Mawa, sampung taong gulang. Pumunta siya sa isang lugar ng pagbabakuna kasama ang kanyang apat na kapatid na lalaki. 

Hindi ito ang kauna-unahang pagkakataon na ang aming mga team ay sumuporta sa Ministry of Health ng estado sa pagtugon sa dumaraming kaso ng tigdas sa West Darfur. Noong kalagitnaan ng 2025, isang malawakang kampanya ang ginawa para sa lokalidad ng Foro Baranga, isang lugar sa timog ng estadong ito.  

"Sustained vaccination services are essential to prevent recurrent of measles cases and protecting children, not only in West Darfur but also in all of Sudan."

Para sa maraming tao, ang pagiging ligtas sa buhay ay hindi lang nangangahulugan ng pagtakas sa karahasan. Ito rin ay tungkol sa pagiging ligtas mula sa sakit tulad ng tigdas, na ang pagkalat ay sanhi ng maraming bagay, tulad ng pagkawala ng sariling tirahan, pagsisiksikan, limitadong mapagkukunan ng pangangalagang pangkalusugan, mga puwang sa regular na pagbabakuna, at mga marupok na sistema ng pagbabantay sa sakit. 

"Sa ating pagsulong, patuloy na mananawagan ang Doctors Without Borders sa Ministry of Health at sa mga kumikilos para sa kalusugan na itaguyod pa ang pagkakaroon ng mapagkukunan ng regular na serbisyo ng pagbabakuna sa buong Darfur," sabi ni Dr. Ali.  

"Ang pagpapanatili ng mga serbisyo ng pagbabakuna ay mahalaga sa pagpigil ng pag-uulit ng  mga kaso ng tigdas, at upang maprotektahan ang mga bata, hindi lang sa West Darfur, kundi sa buong Sudan."