Simulan sa napili mong sandali — ano ang okasyong pagdadausan ng fundraiser? Isipin mo kung ano ang pinakamakahulugan para sa iyo at para sa mga taong nasa paligid mo.

Tanungin mo ang iyong sarili:

• Ano ang okasyon?
  Kaarawan, kasal, anibersaryo, pagtatapos, memorial, pagdiriwang ng isang holiday, o walang partikular na rason ng pagdiriwang.
• Sino ang mga kasama mo sa fundraising?
  Mga kaibigan, kapamilya, mga kaklase, mga katrabaho, mga kasama sa organisasyon, o sa mas malawak na online community.
• Ano ang hilig  ninyong gawin kapag kayo’y magkakasama?
  Pagtakbo, baking, gaming, pakikinig sa musika, event hosting, livestreaming, paglikha ng sining, o pagsalo-salo sa pagkain.
• Paano kayo makakakalap ng mga donasyon?
  Sa pamamagitan ng pagbebenta ng mga tiket, paniningil ng entrance fee, paglalagay ng mga donation box sa venue, online fundraising, o ang paghimok sa mga bisitang magbigay ng mga donasyon sa halip na mga regalo.

Pumili ng isa sa mga ideyang nabanggit o lumikha ng iyong sariling fundraiser – maliit man o malaki, ang bawat kontribusyon ay malayo ang mararating.

May tatlong paraan ng pagsasaayos ng iyong fundraiser at ng pagkolekta ng mga donasyon. Piliin kung alin dito ang pinakamainam para sa iyo.

1. Makipag-ugnayan sa Amin para sa Paggawa ng Inyong Fundraising Page

Gusto mo ba ng simpleng paraan upang makapagbigay ng donasyon ang iyong komunidad online? Makatutulong ang aming team sa paglikha ng fundraising page sa aming website para sa iyong event, at gagawin naming madali para iyong ibahagi ang impormasyon sa iyong pamilya, mga kaibigan, at komunidad. Tutulungan ka rin naming subaybayan ang mga donasyon sa iyong kampanya.

2. Mangolekta ng Pondo sa Mismong Event at Ibigay ang Donasyon sa Pamamagitan ng Aming Website

Balak mo bang mangolekta ng mga donasyon sa mismong okasyon? Hindi naman kami kailangang isama sa pagpaplano ng iyong fundraiser. Ang makokolekta mo mula sa pagbebenta ng mga tiket, mga inihulog sa donation box, mga entry fee, o sa mga aktibidad na magaganap ay maaari mong ibigay sa amin bilang kontribusyon sa pamamagitan ng aming website.

Kung ito ang pipiliin mong pamamaraan, ipagbigay-alam mo sa amin sa [email protected] upang kilalanin ng aming team ang iyong kontribusyon.

3. Maglunsad ng Fundraiser sa Give.Asia 

Maaari ka ring lumikha ng fundraiser sa Give.Asia, isang pinagkakatiwalaang crowdfunding platform na sumusuporta sa pangangalap ng pondo para sa mga adbokasiyang panlipunan at sa mga non-profit organization na tulad ng Doctors Without Borders.

Tingnan ang mga halimbawa ng mga kasalukuyang fundraiser at simulan ang iyong  sariling kampanya upang suportahan ang aming mga gawaing medikal at humanitarian. Click here.

Kailangan mo ba ng tulong sa pamimili kung aling ideya ang pinakamainam para sa iyo?

Makipag-ugnayan sa amin sa [email protected]. Malugod kayong susuportahan ng aming team sa pagsasaayos ng iyong fundraiser.

Panahon na para ibahagi sa iyong komunidad ang ideya mo, at himukin silang makisangkot sa binabalak mo. Malayo ang mararating ng simpleng pagpaplano upang maabot ng iyong kampanya ang mas maraming tao at makalikha ka ng mas makahulugang epekto.

Narito ang ilang mga paraan upang makapagsimula:

• Ibahagi ang iyong kuwento
  Ipaalam sa mga tao kung bakit ka nangangalap ng pondo, at kung bakit mahalaga ang adbokasiyang ito sa iyo. Ang isang personal na mensahe ay maaring magsilbing  inspirasyon para sumali ang iba at suportahan ang iyong kampanya.
• Maghanda ng mga social media post
  Magbahagi tungkol sa iyong fundraiser sa Instagram, Facebook, LinkedIn, WhatsApp, o kahit anong platapormang ginagamit ng iyong komunidad. Huwag mong kalilimutan na isama ang iyong fundraising link o mga detalye para sa mga donasyon.
• Gumawa ng hashtag para sa iyong event
  Ang isang natatanging hashtag ay makatutulong sa pagkakaisa ng iyong komunidad online at gawing mas madali para i-follow ka, i-share ang iyong post, at ipagdiwang ang iyong fundraiser.
• Imbitahan ang iyong komunidad na sumali
  Yayain ang iyong mga kaibigan, pamilya, mga kaklase, mga katrabaho, o mga follower na magbigay ng donasyon, dumalo sa event, makilahok, o tumulong sa pagkalat ng balita.
• Kunan ng larawan at ibahagi ang karanasan
  Kumuha ng mga larawan o mga video ng iyong fundraiser at ipakita ang mga tampok na bahagi sa iyong komunidad upang ipagdiwang ninyo ang inyong nagawa nang magkasama.

Kapag tapos na ang iyong fundraiser gusto rin naming malaman kung ano ang nangyari, at samahan kayong ipagdiwang ang epekto ng nagawa ninyo.