Sa gitna ng kasalukuyang nagaganap na krisis humanitarian sa Gaza at sa matitinding karahasang nararanasan ng mga healthcare worker, pinupuwersa ng mga awtoridad na Israeli ang mga organisasyong humanitarian na mamili sa dalawang imposibleng pagpipilian—ang mapilitang magbahagi ng impormasyon ukol sa aming staff o ang gambalain ang kritikal na pangangalagaang medikal.
Kung ang Doctors Without Borders ay mapatalsik mula sa Gaza at sa West Bank, ang epekto nito ay magiging lubhang mapangwasak lalo pa’t ang mga Palestino ay nahaharap sa brutal na taglamig sa gitna ng kanilang mga gumuhong bahay at mga kagyat na pangangailangang humanitarian. Nananatiling sukdulan ang mga kondisyong humanitarian: halos 500 ang pinaslang na mga tao mula noong Oktubre, at ang karanihan sa mga pangunahing serbisyo tulad ng pagkain, tubig, masisilungan, pangangalagang pangkalusugan, fuel, at mga kabuhayan ay nawasak na, ang sistemang pangkalusugan ay himdi na halos gumagana, at marami sa mga espesyal na serbisyo, tulad ng pangangalaga sa pinsalang sanhi ng pagkasunog, ay di na makukuha. Noong 2025, nagbigay ang Doctors Without Borders ng 800,000 na mga konsultasyon, tumulong sa isa sa kada tatlong pagpapaanak, at sumuporta sa isa sa kada limang kama sa ospital—mga serbisyong hindi madaling mapupunan.
Nananatiling bukas ang Doctors Without Borders sa pakikipag-usap sa mga awtoridad na Israeli upang mapanatili ang aming mga kritikal na medikal na aktibidad sa Gaza at sa West Bank, at tiyaking maipagpapatuloy ng Doctors Without Borders ang paghahatid ng mahahalaga at makasagip-buhay na pangangalagang medikal para sa mga lubhang nangangailangan.
