Lebanon: Hindi makakuha ang mga tao ng pangangalaga habang tumitindi ang mga pagsalakay ng mga Israeli

Ang mga kautusan sa paglikas na sumasaklaw sa 14% ng area sa Lebanon ay nagresulta sa pagkawala ng tirahan ng isa sa bawat limang tao sa Lebanon. Maging sa mga lugar sa labas ng mga minarkahang evacuation zone, kasama rito ang Beirut at ang mga timog na bahagi ng bansa, ang mga tao ay nakatira sa ilalim ng mga agarang banta ng paulit-ulit na mga air at drone strike. 

Sa kabila ng puwersahang kautusan sa paglikas, maraming mga taong pinipiling magpaiwan sa halip na lisanin ang kanilang mga tahanan at mga barangay, habang ang iba’y walang magawa dahil sa kanilang mga kahinaan sa socio-economic at medikal na aspeto. Ito ay lubhang nagpapahirap sa kanilang makakuha ng pangangalagang medikal, at nagpapahirap din para sa kanilang maabot ng mga medical at humanitarian worker.

“Ang mga hospital staff sa Nabatiyeh, na nagpasyang magpatuloy sa pagtatrabaho roon ay walang magawa kundi ang mamalagi sa ospital at umiwas sa pagbiyahe gamit ang kotse, sa kanilang paghahanap ng kaligtasan," sabi ni Dr. Luna Hammad, ang  medical coordinator ng Doctors Without Borders na bumisita sa Nabatiyeh Governmental Hospital, isa sa mga ospital na tumanggap ng pinakamaraming nasawi o nasugatan sa Lebanon ngayong araw na ito.

“Ilang linggo na nilang tinitiis ito, nang halos hindi sila nakapagpapahinga. Tangan nila ang bigat ng panggigipit at takot habang ang mga ospital ay patuloy na nabibiktima sa mga mass casualty event." 

Ilang mga ospital sa timog na bahagi ng Lebanon ang nananatiling gumagana at nagbibigay ng pangunahing emergency care at mga pagsangguni. Sinusuportahan ng Doctors Without Borders ang mga pasilidad na ito sa pamamagitan ng pagbibigay ng medical supplies, fuel para sa kuryente, at mga mahahalagang relief item gaya ng mga kumot at mga hygiene kit.

Ayon sa World Health Organization (WHO), nitong Marso 23, mahigit 63 na pagsalakay sa mga pasilidad para sa pangangalagang pangkalusugan ang naiulat, kung saan 40 na  healthcare worker ang pinatay, at 91 ang nagtamo ng pinsala. Dagdag pa rito, mahigigt limang ospital ang napilitang lumikas, at mahigit 54 na mga sentro para sa pangunahing pangangalagang pangkalusugan sa buong Lebanon ang kinailangang magsara, kung kaya’t lalong nalimitahan ang mapagkukunan ng mga mahahalagang serbisyong pangkalusugan. 

Isang 56 na taong gulang na pasyente na may leukemia, na nawalan din ng tirahan, ang bumisita sa isa sa mga mobile clinic ng Doctors Without Borders. Inilarawan niya ang epekto ng naantalang pangangalaga matapos niyang lisanin ang ospital: “Tumakasako nang wala akong dala-dala at wala akong pupuntahan. Ang tanging mayroon lang ako ay ang pag-asang gumaling ako sa kanser. Ngayon, ako’y natutulog sa isang tolda sa parke, at hindi ko alam kung saan ako makakakuha ng susunod kong iinuming gamot, o kung paano ko maipagpapatuloy ang aking pagpapagaling.”

Sa ilang bahagi ng Beirut, Mount Lebanon, South Lebanon, North Lebanon at Akkar, ang mga team ng Doctors Without Borders ay nagbibigay ng pangunahing pangangalagang pangkalusugan, mga pagsangguni at suporta upang makatulong sa mga taongipagpatuloy ang kanilang pagpapagamot, ngunit ang pagpapanatili ng kanilang pagkuha ng pangangalaga mula sa mga espesyalista at para sa mga talamak na sakit ay hindi pa rin nagagawa.

Sa pagpapatuloy ng pagbobomba at pagkawala ng mga tirahan, ang lugar upang makapamuhay nang maayos at upang maipagpatuloy ang paggana ng mga serbisyong pangkalusugan ay paliit nang paliit araw-araw. Nananawagan ang Doctors Without Borders para sa proteksyon ng mga sibilyan at ng pangangalagang pangkalusugan, at para sa pagwawakas ng mga panukalang tumutulak sa mga taong umalis sa kanilang mga tahanan at ipagpaliban ang kanilang paggamot.

Ang pagtugon ng Doctors Without Borders sa Lebanon

Noong Marso 2, naglunsad ang MSF ng isang pambansang emergency response sa Lebanon upang suportahan ang mga apektadong mga komunidad sa pamamagitan ng pagpapadala ng 15 na mobile clinic at mga mobile mental health team. Sinusuportahan din ng Doctors Without Borders ang mga ospital sa mga apektadong lugar sa pamamagitan ng pagbibigay ng mga donasyon tulad ng medical supplies, fuel, at mga pagkain para sa staff. Maraming mga tao ang napilitang umalis dahil sa banta ng sunog. Napilitan silang iwan ang kanilang mga pag-aari, at ngayo’y nakatira sa mga siksikang masisilungan o mga pansamantalang tirahan o kung saan limitado ang pagkapribadoat mga pangunahing serbisyo. Pinalaki ng Doctors Without Borders ang ibinibigay nitong   tulong na medikal at humanitarian.

Simula Marso 2, ang mga team ng Doctors Without Borders ay nakapagbigay na ng mahigit sa 6,826 na konsultasyong medikal, kabilang rito ang mahigit sa 1,298 na konsultasyon kaugnay ng sexual and reproductive health. Sa ngayon, nakapamahagi na ang Doctors Without Borders ng mahigit sa 10,853 na kumot at 9,315 na kutson upang makatulong sa pagpapagaan ng mga kondisyon sa pamumuhay.

Bilang bahagi ng isang water, sanitation and hygiene intervention, namahagi ang Doctors Without Borders ng mahigit sa 7,879 na mga hygiene kit at pinaunlad ang access sa ligtas na inuming tubig sa pamamagitan ng pagbibigay ng 223,942 na litro ng tubig. Ito ay bukod pa sa inihatid ng mga  water truck na mahigit 7,196,000 na litro sa iba’t ibang mga shelter. Inayos din ng mga team ng Doctors Without Borders ang mga palikuran at mga sewage system sa ilang mga shelter site, upang mabawasan ang mgapanganib sa kalusugan na dulot ng nagsisiksikang populasyon at lumalalang mga serbisyo para sa water and sanitation.

Kasabay nito, naglunsad ang Doctors Without Borders ng mental health helpline para magbigay ng libre at mapagkakatiwalaang suporta mula sa malayo para sa mga taong napupuspos ng kasalukuyang sitwasyon. Ang helpline ay ligtas na paraan upangmakipag-usap sa mga sikolohista ng Doctors Without Borders at makakuha ng psychological first aid at paggabay sa mga nakalaang serbisyo.