Isang sasakyan ng Doctors Without Borders ang nakaparada sa labas ng Al Rantisi Hospital sa Gaza City, sa gitna ng mga gumuho at nawasak sa lugar. Sa larawang kuha mula sa pasukan ng ospital, matatanaw ang kalye sa tapat nito. Palestine, October 2025. © MSF
Narinig ko ang mga taong naghihiyawan... ang mga tolda ay naging abo, at nakahandusay ang mga tao sa lupa.Mohammed Malaka, pasyente
“Narinig ko ang pagsabog ng isang missile, at ng isa pa, pagkatapos noon ay nawalan na ako ng malay... pagmulat ko, nakita ko ang aking ama at tatlong kapatid na lalaki na nakahiga sa lupa, at duguan. Nagkalat ang alikabok,” sabi ni Mohammed Malaka, isang pasyente sa Al Shifa Hospital. “Narinig ko ang mga taong naghihiyawan... ang mga tolda ay naging abo, at nakahandusay ang mga tao sa lupa."
Ito ang pinakahuling bugso ng karahasan ng mga Israeli sa kanilang sunod-sunod na pagsalakay sa mga Palestino sa Gaza kung saan mahigit 300 na ang napatay at mahigit 760 naman ang nagtamo ng pinsala mula noong Oktubre 11, ayon sa Ministry of Health. Pagkatapos ng dalawang taon ng walang humpay na digmaan at sindak, ang mga Palestino ay nawalan ng kanilang mga tirahan, nagupo ng kapaguran, at humaharap sa taglamig nang walang mga pangunahing pangangailangan habang patuloy na nangangamba sa mga manaka-nakang pagsalakay ng mga Israeli sa iba’t ibang bahagi ng Strip. Patuloy kaming nananawagan para sa proteksyon ng lahat ng mga sibilyan, healthcare staff at ng mga pasilidad pangkalusugan.
Susuportahan mo ba ang aming emergency response?
Tulungan kaming makapagbigay ng makasagip-buhay na pangangalagang medikal sa mga emergency sa pamamagitan ng pagbibigay ng donasyon ngayon.
