Mahalagang clinical trial, nagbibigay ng mga bagong mapagpipiliang rehimen para sa paggamot ng Multidrug-Resistant Tuberculosis

Ang MDR/RR-TB ay isang sakit na sanhi ng isang TB bacterium na hindi tinatablan ng rifampicin, ang pinakamalakas na mga first-line antibiotic, plus/minus resistance sa isoniazid. May mga kalahating milyong taong nagkakasakit dahil sa MDR/RR-TB kada taon, marami ang namamatay dahil dito. Bagama’t marami nang mga rehimen para sa MDR-TB ang kasalukuyang ginagamit sa mundo, marami pa ring tao ang ginagamot sa pamamagitan ng mga nakasanayang paggamot na matagal (umaabot hanggang 24 na buwan), hindi epektibo (59% lang ang matagumpay na nagamot noong 2018), at kadalasa’y may mga teribleng side effect, kagaya ng acute psychosis at permanenteng pagkabingi. 

Ang trial ay nakapagtukoy ng tatlong bagong rehimen na maaaring kasingbisa at kasingligtas ng mga nakasanayang paggamot habang pinaiikli ang panahon ng paggamot ng hanggang two-thirds (2/3). Ang mga rehimen na endTB ang kumakatawan sa mga importanteng alternatibo para sa maikling MDR-TB treatment at punan ang paggamit ng isa pang napakaepektibo at mas maikling rehimen para sa MDR-TB, na tinatawag na BPaLM, na hindi akma para sa ilang populasyon. Kung irerekomenda ng World Health Organization, ang mga bagong rehimen sa paggamot na nakatuon sa pasyente ay magbibigay ng kapangyarihan sa mga clinician na magbigay ng mga pinaikling MDR-TB treatment ano pa man ang kanilang edad, kahit sila’y nagdadalang-tao, at kahit merong anumang mga comorbidity na karaniwan sa mga taong may MDR-TB. 

Dagdag pa rito, sinusuporatahan ng trial ang paggamit ng ikaapat na rehimen bilang alternatibo para sa mga taong hindi hiyang sa bedaquiline o linezolid—mga gamot na karaniwang  kasama sa mga rehimen na kasalukuyang inirerekomenda ng World Health Organization para sa MDR-TB. 

Isinama sa endTB trial ang isang grupo ng 754 na pasyente mula sa pitong bansa (kabilang rito ang Georgia, India, Kazakhstan, Lesotho, Pakistan, Peru, at South Africa). Kasali rin dito ang mga populasyon na kadalasang hindi kasama sa mga trial tulad ng mga adolescent at ang mga may comorbidities gaya ng substance-use disorders, at mga kalahok na nabuntis habang sila’y bahagi ng trial. Tinasahan rin ng trial ang limang nine-month treatment regimens, at ang randomization ay inayon sa kinalabasan, ibig sabihin, maraming pasyente ang itinalaga sa mga rehimen na may mabuting resulta. 

“Nasa bingit kami ng isang mahalagang pagtatagumpay sa pakikipaglaban sa MDR, isang sakit na nakakaapekto sa mga mahihirap na populasyon sa buong mundo. Nagbibigay ng pag-asa ang aming mga resulta sa mga nangangailangan at nabibigyang-diin ang kahalagahan ng patuloy na pagsasaliksik at pagbabago—at ang pananagot ng mga pribadong kumpanya na nakatatanggap ng mga pondong pampubliko—upang tugunan ang mga sakit na kadalasang tumatama sa pinakamahihina sa atin. Ngunit ang presyo ng ilang mga gamot ay nananatiling balakid . Isang halimbawa ang delamanid na 12-40 na beses ang taas ng halaga kaysa nararapat ayon sa pagtatantiyang ginawa kung magkano ang ginugugol sa paggawa ng gamot na ito,” sabi ni Carole Mitnick, ScD, Partners In Health Director of Research para sa endTB project, Co-Principal Investigator ng pag-aaral at propesora ng Global Health and Social Medicine sa Harvard Medical School. 
 

“Ang mga resultang ito ay nagbibigay ng bagong pag-asa para sa mga naghihintay ng paggamot para sa pinakadelikado at pinakamahirap gamutin na uri ng tuberculosis sa buong mundo,” sabi ni Dr. Philippe Duneton, Executive Director ng Unitaid. “Nasa amin ang gold-standard research. Ang mga gamot ay maaari  nang makuha kung saan man ito kailangan. Kapag inirekomenda ito, makakakuha na ang mga  taong may drug-resistant tuberculosis ng mas mabuting paraan ng paggamot na naangkop sa kanila.”

Tinasa ng endTB clinical trial ang limang experimental regimens para sa MDR/RR-TB kumpara sa pamantayan na pangangalaga sa dalawang distinct analysis populations. Ang mga rehimeng 1,2,3, ng endTB ay nagpakita ng non-inferiority sa kontrol ng mga parehong primary analysis populations, isang pagpapatunay sa kanilang matagumpay na paggamot ng RR-TB. Ang rehimeng 1, 2, at 3 ay nagkaroon ng mga positibong resulta sa 89.0%, 90.4%, at 85.2% ng mga kalahok. Ang panglimang rehimen ay nagpakita rin ng malakas na pagtugon sa paggamot sa 85.6% at itinuturing itong non-inferior sa 80.7% ng control sa isa sa mga primary analysis population. Bagama’t kailangang hindi pabago-bago ang mga resulta sa dalawang populasyon upang masabi natin na may non-inferiority, inaasahang ang rehimen 5 ay magiging alternatibo para sa mga pasyenteng hindi nakatatanggap ng ibang inirerekomendang paggamot.