Ang mga binombang gusali, at ang mga tolda kung saan sumisilong ang mga tao. Gaza, Palestine, 2025 © MSF
Kailangang igalang at panatiliin ang ceasefire, dahil ito lang ang magbibigay-daan sa pagpapaabot ng pangangalagang naaayon sa laki ng pangangailangan — isang bagay na naging imposible noong nagaganap pa ang pagkubkob at mga pagbobomba. Sa pangmatagalan, umaasa kaming makikita namin kung paanong ang ceasefire ay mauuwi sa mga pagsisikap na muling itaguyod ang Strip, kabilang rito ang pagpapanumbalik ng nasirang sistema para sa pangangalagang pangkalusugan.
Kagyat na pagtugon pa rin ang kinakailangan sa Gaza para sa mga medical equipment, mga gamot, pagkain, tubig, fuel, at sapat na pansamantalang tirahan para sa dalawang milyong taong haharap sa paparating na taglamig nang walang masisilungan.
Ang ceasefire na ito ay dapat sabayan ng agaran, malaki, at mapapanatiling pagpaparami ng aid na makapapasok at maihahatid sa iba’t ibang bahagi ng Strip, pati sa hilaga. Inuudyukan namin ang mga awtoridad na Israeli na pahintulutan ang pagpasok ng sapat at di-hahadlangang daloy ng tulong na humanitarian at bigyan ng awtorisasyon ang mga paglilikas na medikal ng mga pasyenteng nangangailangan ng kagyat na pangangalaga ng mga espesyalista. Kasabay nito’y dapat ibalik ang koordinasyong humanitarian sa ilalim ng pangangasiwa ng UN, upang magarantiyahan ang ligtas at walang kinikilingang pamamahagi ng aid sa mga nangangailangan, nasaan man sila sa Gaza Strip.
Susuportahan mo ba ang aming emergency response?
Tulungan kaming makapagbigay ng makasagip-buhay na pangangalagang medikal sa mga emergency sa pamamagitan ng pagbibigay ng donasyon ngayon.
