Ang Cebu Provincial Hospital (CPH) sa Danoa ay lubhang naapektuhan ng pagbaha at pagdaloy ng putik. Sinuportahan ng Doctors Without Borders / Médecins Sans Frontières (MSF) ang deep cleaning operations at ang pagpapanumbalik ng mga serbisyo sa ospital.
Sinuportahan namin ang deep cleaning operations at ang pagpapanumbalik ng mga serbisyong ibinibigay ng Cebu Provincial Hospital (CPH), na lubhang naapektuhan ng pagbaha at pagdaloy ng putik. Nakipagtulungan kami sa Bureau of Fire Protection at iba pang mga lokal na stakeholder upang linisin ang mga kritikal na bahagi ng ospital—kabilang rito ang emergency room, outpatient department, minor surgery room, isolation room, doctors’ quarters, at ang parmasya—at maibalik ang lahat sa ligtas at gumaganang kondisyon para sa maayos na pangangalagang medikal. Cebu, Pilipinas. 10 Nobyembre 2025 © MSF
Bukod sa CPH, binisita ng Doctors Without Borders ang ilang mga pasilidad pangkalusugan, kabilang rito ang Danao City Health Office (CHO) at ang mga Rural Health Unit ng Compostela at Liloan, kung saan nagbigay kami ng donasyon na medical supplies. Kabilang rito ang doxycycline, isang antibiotic para sa pagpigil ng leptospirosis, na maaaring lumitaw sa mga binahang lugar.
Sa Talisay, naglunsad ang Doctors Without Borders ng isang mobile clinic upang magbigay ng mga mahahalagang serbisyong medikal, at mga serbisyo para sa kalusugang pangkaisipan ng mga apektadong populasyon. Ngayong araw na ito, tumanggap kami ng mahigit 110 na pasyente para sa mga konsultasyong medikal at psychosocial support.
Sa susunod na dalawang linggo, makikipagtulungan ang aming mobile clinic at ang MHPSS sa DOH sa pagpapatuloy ng pagbibigay ng serbisyo. Patuloy rin naming susubaybayan ang mga pangangailangan ng nga tao, at babantayan ang mga sakit na posibleng maging epidemya.
Kasama sa mobile clinic activities ng Doctors Without Borders ang mental health and psychosocial support (MHPSS) services para sa mga apektadong populasyon. Pilipinas, 11 Nobyembre 2025. © MSF
Sinimulan na rin namin ang pamamahagi ng mga non-food item (NFI) kit sa mga komunidad na naapektuhan ng bagyo at ng mga idinulot nitong pagbaha. Sa Compostela, namahagi kami ng mga hygiene kit, mga jerrycan at ng mga sleeping kit. Sa Danao, namahagi kami ng mga hygiene kit at ng mga jerrycan.
Ang Doctors Without Borders ng isang mobile clinic nung Nobyembre 11 ay tumanggap ng mahigit 110 na pasyente para sa mga konsultasyong medikal at psychosocial support. Pilipinas, 11 Nobyembre 2025 © MSF
Sinimulan na rin namin ang pamamahagi ng mga non-food item (NFI) kit sa mga komunidad na naapektuhan ng bagyo at ng mga idinulot nitong pagbaha. Sa Compostela, namahagi kami ng mga hygiene kit, mga jerrycan at ng mga sleeping kit. Sa Danao, namahagi kami ng mga hygiene kit at ng mga jerrycan. Pilipinas, 11 Nobyembre 2025 © MSF
Binisita ng Doctors Without Borders ang ilang mga pasilidad pangkalusugan, kabilang rito ang Danao City Health Office (CHO) at ang mga Rural Health Unit ng Compostela at Liloan, kung saan nagbigay kami ng donasyon na medical supplies. Kabilang rito ang doxycycline, isang antibiotic para sa pagpigil ng leptospirosis, na maaaring lumitaw sa mga binahang lugar. Pilipinas, 09 Nobyembre 2025 © MSF
Sa hilagang bahagi ng Luzon nama’y pinapunta ng Doctors Without Borders ang isang team upang matasa ang mga pinsala at mga pangangailangang idinulot ng super typhoon na pinangalanang Fung-wong (kilala sa Pilipinas bilang bagyong Uwan).
