Sa Sindh, humupa na ang baha sa ilang mga lugar ngunit sa karamihan ay may tubig pa rin. Ang mga Doctors Without Borders emergency team ay nagpapatakbo ng anim na mobile clinic na bumibisita sa 24 na iba’t ibang lugar kada linggo sa mga distrito ng Sindh—sa Dadu, Jacobabad, Sukkur at Shahadat Kot. Sa huling pagtala ay nakapagbigay na kami ng pangangalagang medikal sa mahigit 33,780 na tao. Karamihan sa mga ito ay para sa mga sakit sa balat, malaria, mga impeksiyon ng respiratory tract at diarrhoea. 

Sa bayan ng Hilagang Sindh at Johi, mataas ang bilang ng mga kaso ng malaria. Nitong nakaraang dalawang buwan, mahigit 12,100 na tao na ang ginamot ng aming mga team para sa malaria. Patuloy ang pagbibigay namin ng malinis na maiinom na tubig. Nakapagbigay na kami ng 4,148m3 na litro ng tubig. Ang aming mga team ay tumulong rin sa pamamahagi ng 562 hygiene kits sa mga residente ng mga liblib na lugar na apektado ng pagbaha. 

Sa Hilagang Sindh naman, nakita namin ang mataas ang bilang ng mga batang may malnutrisyon. May 9,246 na batang hindi lalampas sa apat na taong gulang na malnourished. Sa mga ito, 2,535 ang may severe acute malnutrition at 2,243 ang may moderate acute malnutrition. 

Sa Timog Sindh, ang aming mga team sa distrito ng Dadu ay nagbibigay ng pangangalagang medikal sa pamamagitan ng tatlong mobile clinic na bumibisita sa mahigit sa labing-isang lugar. Ang aming mga water and sanitation team ay nagbigay din ng mahigit 444,460m3 na litro na malinis na inuming tubig at namahagi ng mga 24,600 relief package sa mga apektadong komunidad. Sa distrito ng Sanghar, ang aming team ay nagbigay ng 5,120m3 na litro ng malinis na inuming tubig sa tatlong pinakanasalantang tehsil at namahagi ng 6,000 relief package na may kasamang mga tolda, mga gamit pangkusina, hygiene kit at mga kulambo. Ang mga team ay nagbibigay din ng antenatal at postnatal na pangangalagang pangkalusugan sa distrito. 

Sa distrito ng Keamari Karachi, ang mga Doctors Without Borders team ay nagtatrabaho sa Karachi Tent City Camp kung saan nakapagtayo na sila ng mahigit 800 na masisilungan, nagbibigay ng mahigit sa 10,000 na litro na malinis na inuming tubig araw-araw, nagtayo ng 141 shower points at kubeta, at namahagi ng 1,350 relief packages na may kasamang 600 na kulambo, sa pakikipagtulungan sa mga awtoridad pangkalusugan. 
 

Sa Silangang Balochistan, humupa na ang baha sa karamihan ng mga lugar ngunit malalim pa rin ang tubig sa pinakanasalantang distrito ng Sohbatpur at Jaffarabad, habang may mga hindi dumadaloy na tubig sa ilang mga lugar. Ang mga pamilyang nakatira malapit sa mga binahang lugar ay maaaring magkaroon ng mga sakit na dala ng maruming tubig,  at mga vector-borne disease. 

Sa Silangang Balochistan, ang Doctors Without Borders ay may limang medical team sa mga distrito ng Naseerabad, Sohbatpur, Jaffarabad, Usta Muhammad at Jhal Magsi. Ang aming mga team ay nagbibigay ng outpatient primary healthcare sa mga taong apektado ng pagbaha. Bawat araw, ginagamot namin ang mahigit sa 1,000 na pasyente. Ang mga lugar na may tubig na hindi dumadaloy ay isa sa mga pangunahing dahilan ng pagtaas ng bilang ng mga taong may water- at vector-borne disease sa Silangang Balochistan. Ang aming mga team ay gumagamot ng napakaraming taong may malaria, mga batang may matinding malnutrisyon, at mga taong may respiratory tract infection, diarrhoea, sakit sa balat, at impeksiyon sa tainga. Ang Doctors Without Borders ay nakapagbigay na ng mahigit sa sampung milyong litro ng malinis na inuming tubig sa limang distrito ng Silangang Balochistan. 

Nitong nakaraang dalawang buwan, ang mga Doctors Without Borders emergency team ay gumamot ng 11,533 na kaso ng malaria na may positivity ratio na mahigit limampung porsyento. Nakababahala na ang mga bilang na ito ay mataas kung ikukumpara sa mga bilang noong mga nakaraang taon. Mataas din ang bilang ng mga pasyenteng may malnutrisyon. Nakapaggamot na kami ng 3,965 na bata at mga nagdadalantao at nagpapasusong babae. 

Noong Oktubre, ang mga Doctors Without Borders water and sanitation team ay nagtayo ng water filtration plant na may kapasidad na 270,000 na litro kada araw sa distrito ng Jaffarabad. Ang malinis na inuming tubig ay inihahatid ng mga water truck sa mga barangay na binaha at sa mga displaced person camp sa Silangang Balochistan. Ito’y nakatutulong na maiwasan ang pagkalat ng mga waterborne disease na hatid ng maruming tubig. Ang aming team ay nagbigay ng 13,050,000 na litro na malinis na inuming tubig sa limang distrito sa Silangang Balochistan. 

Mula 2008, ang Doctors Without Borders ay nagtatrabaho sa DHQ Hospital sa Dera Murad Jamali bilang suporta sa Department of Health (DoH). Nitong mga nakaraang buwan, pinag-ibayo pa ng Doctors Without Borders ang suportang ito sa pamamagitan ng sa pagpapadala ng mga karagdagang eksperto sa larangang medikal at non-medical. Dinagdagan din namin ang kapasidad ng ospital, ang dating 40 na kama ay naging 69. Mula noong Setyembre, tumulong ang aming team sa 1,382 na pagpapaanak at tumanggap ng 1,142 na bata sa paediatric inpatient department. 

Sa Kanlurang Balochistan, ang Doctors Without Borders ay nagbigay ng mahigit 735 na konsultasyong medikal sa Chaman, at mahigit 1,890 outpatient consultations sa Quetta, na karamiha’y para sa mga pasyenteng may respiratory infection o acute watery diarrhoea. Sa Quetta, ang mga Doctors Without Borders water and sanitation team ay nagbigay ng mahigit 2,190 na litro na malinis na inuming tubig. Namahagi na rin kami ng 740 relief kits na may kasamang hygiene items, kitchen tools at kulambo para sa mga apektadong pamilya. 

Sa mga distrito ng Charsadda at Nowshera, humupa na ang baha. Nagsibalikan na ang mga tao sa kanilang mga tahanan at sinimulan na nila ang pagtataguyod muli ng kanilang mga bahay. Ngunit, ang mga pagkukunan ng tubig sa mga binahang distrito tulad ng Charsadda at Nowshera ay kontaminado pa rin at nagiging sanhi ng mga waterborne disease. Bilang pagtugon sa isyung ito, nililinisan at inaayos ng mga Doctors Without Borders water and sanitation team ang mga water sources na ito mula pa noong Oktubre.  

Sa mga distrito ng Charsadda at Nowshera, apat na Doctors Without Borders mobile medical team ang nagbigay ng 9,000 outpatient primary healthcare consultations para sa respiratory tract infections, impeksiyon sa mata, acute diarrhoea, malalang sakit sa balat at sa mga talamak na sakit. Nagbigay na rin ang Doctors Without Borders ng mga medical item sa isang ospital sa Nowshera para sa isolation unit ng mga pasyenteng may dengue. Nagkabit ang mga Doctors Without Borders emergency water and sanitation team ng mga water filtration system, nagbigay ng 34m3 na litro na malinis na inuming tubig at naglinis ng limang daang balon sa mga barangay na binaha sa distrito ng Charsadda. Inaasahang 1,500 na balon ang malilinis sa pagsapit ng katapusan ng Marso 2023. Sa dalawang distrito, ang mga Doctors Without Borders team ay nakapamahagi na ng 11,386 na relief package, na may kasamang mga gamit pangkusina, hygiene items at 14,107 na kulambo para sa mga apektadong pamilya. 

Ang mga Doctors Without Borders team sa iba’t ibang barangay sa distrito ng Dera Ismail Khan ay namamahagi rin ng 5,000 winter kits sa mga binahang komunidad.